368.53
Քրիստոնեա-մահմեդական համագործակցությանը նվիրված համագումար՝ Անթիլիասի մայրավանքում
1 րոպեի ընթերցում
ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Անթիլիասի մայրավանքում հունվարի 24-ին տեղի է ունենալու Միջին Արևելքում քրիստոնեա-մահմեդական համագործակցությանը նվիրված միջազգային համագումար: Ինչպես «Արմենպրես»-ին տեղեկացրին Մեծի Տանն Կիլիկիո կաթողիկոսարանից, համագումարը կազմակերպել են Եկեղեցիների համաշխարհային խորհուրդը և Միջին Արևելքի եկեղեցիների խորհուրդը՝ Մեծի Տանն Կիլիկիո կաթողիկոսԱրամ Առաջինի առաջարկով:
Համագումարին կմասնակցեն հյուրեր Միջին Արևելքից, Եվրոպայից և ԱՄՆ-ից:
Համագումարին բացման խոսքով հանդես կգա Արամ Առաջին կաթողիկոսը, Քրիստոնեա-մահմեդական համագործակցության հանձնախմբի նախագահ Մուհամեդ Սամմաքը, Եկեղեցիների Համաշխարհային խորհրդի գլխավոր քարտուղար Օլավ Թվեյթը, Միջին Արևելքի եկեղեցիների խորհուրդի գլխավոր քարտուղար Փոլ Ռուհանան:
Բաժանորդագրվեք մեր ալիքին Telegram-ում