368.53
Քննարկվել են հայ-կանադական հարաբերությունների զարգացման հեռանկարները
1 րոպեի ընթերցում
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Կանադայում ՀՀ դեսպան Արմեն Եգանյանը հունվարի 16-ին հանդիպել է Կանադայի Ներգաղթի եւ Քաղաքացիության հարցերով նախարար Ջեյսըն Քենիի հետ: Ինչպես «Արմենպրես»-ին տեղեկացրին ՀՀ ԱԳՆ մամուլի, տեղեկատվության և հասարակայնության հետ կապերի վարչությունից, կողմերը քննարկել են հայ-կանադական հարաբերությունների տարբեր ասպեկտները, կանադահայ համայնքի դրական դերը միջպետական հարաբերություններում: Քննարկվել է նաև հայ-կանադական բարեկամության զարգացման հեռանկարները: Նախարար Քենիի խնդրանքով ՀՀ դեսպանը ներկայացրել է Հայաստանի մոտեցումները տաարածաշրջանային խնդիրների վերաբերյալ, ԼՂ հիմնահարցի շուրջ ընթացող բանակցությունների ընթացքը, Հայաստանի ներկա տնտեսական իրավիճակը:
Նախարար Ջեյսըն Քենին իր համակրանքն է հայտնել կանադահայ համայնքի, ինչպես նաև առհասարակ, հայ ժողովրդի և նրա մշակութային ժառանգության վերաբերյալ:
Բաժանորդագրվեք մեր ալիքին Telegram-ում