2012-ի առաջին կենսաթոշակը կտրվի ժամանակին
18:19, 27 Դեկտեմբեր 2011
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ: Չնայած տոներին` 2012-ի առաջին կենսաթոշակը կտրվի ճիշտ ժամանակին: Ինչպես «Արմենպրես»-ին տեղեկացրեց ՀՀ աշխատանքի եւ սոցիալական հարցերի նախարարության Սոցիալական ապահովության պետական ծառայության մամլո քարտուղար Արամայիս Շահբեկյանը, հունվարի կենսաթոշակային վճարումները կիրականացվեն սկսած նոր տարվա չորրորդ օրվանից, այսինքն` հունվարի չորսից:
«Արմենպրես»-ը տեղեկացավ նաեւ, որ «Հայփոստ»-ի բոլոր բաժանմունքները կսպասարկեն թոշակառուներին` առանց բացառության:
Բաժանորդագրվեք մեր ալիքին Telegram-ում